Friday, February 17, 2012
އިލް- ލޮޖިކް ނޫނީ އިއްލޮޖިކް
މަޑުން ނީންދެވެނީވެސް މިމީހުންވެސް މަ މަޑުން ބައިންދަން ބޭނުން ނުވާތީއެވެ. ޖައްސަ ޖައްސައިގެން ދެ ޖުމުލަ ބުނާއިރު ދެ ޖުމުލަ ދިމާ ދެކޮޅަށް އޮތަސް އަތްޖަަހާ ރީންދުލަށް ޤުރުބާންވާން ބައެއް މީހުން ތިބީ ހަމަ ހޭ ކެނޑިފައެވެ. ލަދު ހަޔާތް ނެތްތާ ސިކުނޑި ކޮބާބާއޭވެސް މަ ހަމަ ހިތަށް އަރައެވެ. އެހެންޏާފަހެ މި ސިކުނޑި ނުވާނަމަ ޖަނަވާރުންނެކޭ އަހަރެމެންނެކޭ ހުރީ ފަހެ ކޮންތަފާތެއް ހެއްޔެވެ؟
މެދުމިނޭ ބުނާއިރު އެއިން މީހަކަށް ޤުރުއާން އިނގެނީ ކިހާވަރަކަށްބާއެވެ؟ ހަދީޡް އެނގެނީ ކިހާވަރަކަށްބާއެވެ. ކުޑަމިނުން ސުވަރުގޭގެ އުފާވެރި ޚަބަރު ލިބުނު 10 ޞަޙާބީންގެ ނަންތައްވެސް އެނގޭބާއެވެ؟ ދެން ދީނުގެ މެދުމިން ކިޔާނީ ފަހެ ކިހިނެތް ހެއްޔެވެ؟ އެހެނަސް އެތަކެތި ދަސްކުރިމީހުންގެ ބަހަށްވުރެ ނޭންގޭ މީހުންގެ ބަސް ބަޔަކަށް ރަނގަޅުވެ މޮޅުވުމަކީ އަޅެ ލޮޖިކް ހެއްޔެވެ؟
ރާބޯ އަދި އެކަމަށް މީހުން ހެކިދޭ އަދި ބާތަކަށް ދާ އަދި އެބާތަކުގައި ތިއްބާ ވީޑިއޯ ކުރެވި ލީކުވެފައިވާ މީހުންނާއި ޒިނޭކޮށް ނަހަލާލަށް ދަރިން ލިބިފައިތިބި މީހުންނާއި އެހެންދީންތަކުގެ މިނިވަންކަމަށް ގޮވާމީހުންނާއި އަހަރު ދެކޮޅު ޕާޓީ ބަދަލުކޮށް ބުނިބަސް އިދިކޮޅަށް ޖަހައިގެން ތިބި ބައެއްގެ ބަސް އެގޮތަށް ނޫޅޭ ބައެއްގެ ބަހަށްވުރެ މޮޅުވުމަކީ ފަހެ ލޮޖިކު ބާއެވެ؟
މެދުމިނޭ ބުނެ އަންހެން ފިރިހެން އެއްކޮށް ނަށާ، ގިނަ މީހުންގެ ކުރިމަތީ އަންހެނުން ފިރިހެނުން ބައްދާ ބައެއްގެ ބަސް އެއީ ތެދުކަމަށް ހީކުރަނީ ޤުރުއާނުން ހަމަ އެންމެ އަކުރެއްވެސް ކިޔަވާފައިނެތީމަހެއްޔެވެ؟ ނޫނީ ޤުރުއާނަށްވުރެ އެމީހުންގެ ބަސް މޮޅުވެފައި ރަނގަޅުވީހެއްޔެވެ؟ ބުނަންހެއްޔެވެ! އަޅުކަންކުރުމަކީ ތިޔައީއެވެ.
އެންމެނަކު އަބަދަކު ހަމައިގައި ތިބެން ބޭނުން ނުވާތީ ގެފުރާ ރާފުޅި ހުއްޓާ ފަޅާއެރީމަވެސް ވިސްނޭކަށް ނުވޭހެއްޔެވެ؟ ނޫނީ ވިސްނަން ބޭނުން ނުވަނީހެއްޔެވެ؟ ބަލާލަބަލާށެވެ. ދިނީގޮތުން މިބުނި ކަންކަމަށް ޖަވާބުދާރީ އެމީހުންނަށް ވެވޭވެއްހެޔެވެ؟ ނުވެވެންޏާ ނުވެވެނީ ކީއްވެތޯވެސް ވިސްނާލަބަލާށެވެ. ހެޔޮނުވާނެއެވެ. މިހާރު ތިޔަ ދަނީ މާ މައްޗަށެވެ.
ﷲ ތަޢާލާ ހަރާމް ކުރެއްވި ކަންކަން ހަލާލުކޮށް، ހަލާލުކުރެއްވި ކަންކަން ހަރާމްކުރާމީހުންނަށް ތަބާވުމަކީ އެމީހުންނަށް އަޅުކަން ކުރުމެވެ. ހޯހޯއެވެ. މިޔަށް އަނގަފުޅާކޮށް އެއްޗެހި ނުގޮވާށެވެ. މިއީ ސީދާ ހަދީޘުން ޘާބިތު ކަމެކެވެ. ދެން ޒިނޭކުރީމާ ހައްދު ޖަހަން އޮތްއިރު، ރާބުއީމާ ހައްދު ޖަހަން އޮތްއިރު، ވައްކަން ކުރީމާ އަތްކަނޑަން އޮތްއިރު، ސީދާ ދުލުން އެކަންކަމާ ދޮކޮޅު ހެދުމުންވެސް އަތްޖަހާ އެވެރިކަން އަނބުރާ ގެނެވޭތޯ ތިޔަ ދުވަނީ ކީއްވެހެއްޔެވެ؟ ޅައުމުރުގައި ކައިވެނި ހުއްދަ ކުރައްވާފައިވަނިކޮށް އެކަމަށް މަލާމާތްކޮށް އެކަމާ ދެކޮޅު ހެދުމުންވެސް ތިޔަ އެމީހެއްގެ ފަހަތުން ތިޔަ ދުވެވެނީ މިހާރު ތިބާއަށް އެމީހަަކަށް އަޅުކަން ކުރެވޭތީއެވެ. ބުނަންހެއްޔެވެ. ތިޔަ އަޅުކަމަކުން އާޚިރަތުގައި ހާލުގައި ޖެހިދާނެއެވެ. ތިކަމުން އަވަހަށް ސަލާމަތްވާށެވެ.
އާލާތުނޭ އަހަރެން ބުނީމާ 'ތިބޭފުޅުން' ހިތްހަމަ ނުޖެހިގެން މިހިރަ ހުތުރު ބަސްތަކެކޭ ތިޔަ ބުނަނީ ބަލަ ތިޔަ ސަޕޯޓްކޮށް ލޯބިކުރާ ވެރިންގެ ބަސްމަގު ބަލާލާށެވެ. ކުރިމައްޗޭ ފަހަތޭ ލަދެއް ހަޔާތެއް ނެތި ކިޔަނީ ރީތި ބަހުން އެޔަށް ކިޔާނެ އެއްޗެއްވެސް ނޭނގޭތީއެވެ. މިހާ ދައްފެންވަރެއްގެ ބަޔަކަށް ދީނެއް ނެތްމީހަކުވެސް ސިކުނޑިއެއް ހުރިއްޔާވެސް ސަޕޯޓެއް ހަމަ ގައިމު ނުކުރާނެއެވެ.
ދެންވެސް ދެކޭށެވެ. ލަނޑަޔާވާނީ ލަނޑަޔާއެވެ. ޕާޓޭންތައްގޮސް ތިޔަ ރީނދޫހުމުގައި ޖެހިގެން އެތިބީ ފަހެ ކީއްވެ ހެއްޔެވެ؟ އަޅުކަންކުރާ މީހުން މިޔަށްވެސް ކޮންމެސް އެއްޗެއް ކިޔާނެއެވެ. ހެޔޮނުވާނެއެވެ. ތިޔަހެން ނޫޅޭށެވެ. މިހެން މިކިޔަނީ ތިބާއަށްވެސް ރަނގަޅަކަށެވެ. އެކަން ކޮންމެސް ދުވަހަކުން އަދި ތިބާއަށް ވިސްނޭނެއެވެ. ދުޢާ އަކީ އެއީ 6 ފޫޓު އަޑީގައި ވަޅުލެވުމުގެ ކުރިން ކަމަށް ވުމެވެ.
0 comments:
Post a Comment
comment moderation is ON