Wednesday, December 14, 2011
ކަންވީގޮތް...
ފޭކޮށް ނެރެވުނީ މަގުމަތިން މީހުންގެ ތެރެއިން ގަޅިއެކޭ
ދޭކަށް މިދީބުގެ ވެރިކަމުން މީހެއް ފަރަޤުނުވި ވަގުތެކޭ
ހޭހަން ނުކޮށް ބަދަލަށް ގޮވާ އާ ރާގު ރާގަށް ލަވަކިޔާ
ހޭދެން ދެބައިވިޔެ ނިކަމެތިން ފެނުމުން އެއަނިޔާ ފާޅުގާ
ގޮނޑިޔަށް ނުކެތި ހަމަ އުޅެނިކޮށް ރާވިއްކުމަށް ނިންމައިފިޔޭ
ބޮއެގެން ނުވާނޭ ރައްޔިތުން ބުނުމުން މަގެއް ހޯދާފިޔޭ
ބުދުތައް ގެނެސް އަޅުކަންކުރާ ގުދުނުވިޔަކަސް ވާ ފާޅުގާ
ފުލުހުންގެނެސް ބުދު ޝަރަފުގާ ކުރިޔޭ ހިމާޔަތް ފާޅުގާ
ދީންތައް ގެނެއުމަށް ހޭކަނޑާ ގޮވަމުން މިދާ މަދު މީސްކޮޅާ
ދީގެން ފުރާނަ ހިތާ ދުލުން އެކުވިޔެ އަތާ އަދު އަތްގުޅާ
ފަހަރަކު ކަމެއް މައްޗަށް ކަމެއް ކުރަމުން ދިޔައީ ބާރާއެކީ
މޮޑަރޭޓްކޮށް ޓޮލަރޭޓްކޮށް ތިބޭނެކަމުގެ ހީޔާއެކީ
ކުރިކަންކަމުން ކެތް ނުވެވިގެން ދިވެހިންގެ ލޭތާ ހޫނުވީ
ހުއްޓާލަދޭށޭ ގޮވިގޮވުން އަދޭހަކުން ފައިދާނުވީ
އަޑުއައްސަވާތޯ ނުކުތުމަށް ދިވެހިވި އެލޮބުވެތި ރައްޔިތުން
އަޑު އުފުލުމަށް ނިންމައިފިޔޭ ރައްކާކުރަން ދިވެހިންގެ ދީން
ތޭވީހަކަސް ބާވީހަކަސް ބިރުގަންނަނީ ހަމަ އެއްބައޭ
ރޭވީ ނުދިނުމަށް ކުރިއެރުން ދީނަށް އެޔާއެކު ނަސްރެކޭ
ބިރަކުން އެގަތް ތެޅިފޮޅިގަތޭ ހައްޔަރުކުރަން ދުއްވައިގަތޭ
ބިރުދެއްކުމަށް ކުރި ކަންކަމުން ދިވެހިންގެ ހިތްވަރު އާވިޔޭ
ގޮވަމޭ އަދައިގެން ހަރުއަޑުން ދީނޭ މަގޭ ދީނޭ މިއީ
ހެޔޮވާނެހޭ ނުނިކުމެ ތިބެން ޖާހަށްޓަކައި ގޭގައި ތިބެން
1 comments:
Varah salhi, adhi 100% thedhu!
Post a Comment
comment moderation is ON